یہ طے ہوا تھا

محبّتوں میں ہر ایک لمحہ وصال ہو گا یہ طے ہوا تھا
بچھڑ کر بھی ایک دوسرے کا خیال ہو گا یہ طے ہوا تھا

جدا ہوے ہیں تو کیا ہوا یہی تو دستورِ زندگی ہے
کوئی بھی رت ہو نہ چاہتوں کو زوال ہو گا یہ طے ہوا تھا

یہ کیا کہ سانسیں اکھڑ گیں آغاز ہی سے یارو
کوئی تھک کے نہ راستے میں نڈھال ہو گا یہ طے ہوا تھا

آؤ کے فیضان کشتیوں کو جلا دیں گمنام ساحلوں پر
کہ اب یہاں سے نہ واپسی کا سوال ہو گا یہ طے ہوا تھا